أحصُدْ حَــــــصَــــادَكْ:ملزومة فايسبوكية :جمال قصودة – الطيب بوعلاق – الناصر الرديسي

(جمال قصودة)
احْصُدْ حََصَادَكْ وِ النَادْرَهْ عَبِِّيهَا
صَابَةْ شِعِيرَكْ لَشْكُونْ بِِِتْخَلِّيهَا؟؟ (الناصر الرديسي)
أنا زَرْعِي زَرَعْـتَهْ..
بْدَمْ الْـغَـوَالِي سْقِـيتَهْ تَابَعْـتَهْ
ما تْخَافْ عَـلْ الْحْصَاْد رَانِي جْمَعْـتَــهْ..
بْزْنُودْ الْحْبَايْبْ وْشَمْتْهَا وِ تْرٍيــــــهَا
وْصَابَةْ شْعِيرَكْ لَشْكُونْ بِتْخّلِيــــهَا؟
(جمال قصودة)
احصد حصادك يا رفيقي الغالي
معروف قمحك بسمرة عوّالي
وارفع مناجل عزّنا بالعــــــالي
هذي بشاير نصرنا نغنيّـــــها
صَابٍةْ شِعٍيرَكْ لِشْكُونْ بِتْخلّيها؟؟؟
(الناصر الرديسي)
وْشَمْتْهَا بْشَامَاتْ شَعْبِي الثَابِتْ
وِرْْسَمْتْهَا نَجْمَةْ الضَيْ مَاهُو خَافِتْ
هذا كَلَامْ اقْوَالْ رْفَـَاقِي قـَالِتْ
اكْتِبْ حُرُوفْ لَجْيَالْ فِى ثـْنِيِتْهَا..
لِلنَاسْ اللٍِِِِي عَلْ كْلَامَكْ صَامَتْ..
صَابِةْ شْعِيرَكْ لِشْكُونْ بِتْخَلِّيهَا؟؟؟
(الطيب بوعلاق)
خَلِّيتْهَا لِلنَاصِرْ .. يُحـْصُدْ وُ يْذَرٍي
يْسُوڨْهَا لْمْعَاصِرْ .. بِلّارْ خَضْرَا يْجِيهَا
تْحَاصٍرْ هَمِّ الڨلُوبْ الوَاجْبَه وْ تِرْوِيهَا ..
و إنتَ فْ سوڨ الفهم مَنِّكْ ڨاصر ..
الرُّوس إنْ خَلَتْ مِالْكِيفْ ڨَصَّة لِيهَا
صَابٍةْ شِعٍيرَكْ لِشْكُونْ بِتْخلّيها؟؟؟
(الناصر الرديسي)
طَيِبْ وٍالطٍيبْ فِى طْبِيعْتَكْ وٍالرَبْعَهْ
جِيبْ الْـغْـلُلْ بِالشَبْعَهْ..
مَا تُذْكُرْ فِى حْضُورْنَا أَرْقَامْ فِيهَا البِدْعَهْ
حَتَى الْكِيسَانْ نْعِدْهَا وِنْرِيهَا
الزُوزْ مْعَاهَا أزْوَازْ مَا تْسَاوٍي سَبْعَهْ
إِذَا فْرِغْ الْكَاسْ مَا نْخَلِيـــــهَا
صَابِةْ شْعِيرَكْ لِشْكُونْ بِتْخَلِّيهَا؟؟؟
07/11/2012
(مازالت مفتوحة)