تونس عزيزة و غالية يا يمّة|الشاعر جمال قصودة
-------------------
تونس عزيزة و غالية يا يمّة/// و شكري رسم طريق واضح دمّه
كانك بغيت العز دمك ضمّه ///و كانك رضيت الذل مالك همّة
****
تونس عزيزة و غالية يا" فاضل "///و كل من نشر الموت مات بسمّه
و هذي طريق رجال ما تتنازل ///و هذي طريق العاشقينك يمّة
و هذي طريق الوطن فينا نازل ///و بدم شكري صاعدين القمة
***
تونس عزيزة و غالية يا يمّة/// و شكري رسم طريق واضح دمّه
كانك بغيت العز دمك ضمّه ///و كانك رضيت الذل مالك همّة
****
تونس عزيزة و غالية يا رفاقه///و شكري من الّساحات بيها اسمّه
و شكري عشق الوطن يا عشّاقة///و كل الشوارع تعرفه وتضمّه
حامل وصيّة اهلنا الفلاقة ///و حامل مشاغل وطنا و الامّة
***
و تونس عزيزة و غالية يا يمة ///و شكري رسم الطريق واضح دمه
كانك بغيت العز دمك ضمه ///و كانك رضيت الذل مالك همة
***
تونس عزيزة و غالية بالفطرة /// و شموخ الوطن عنده معاني جمّة
و شكري رصاصه كلمة و الفكرة ///و باقي رصاص الغدر لا ما يهمّه
و حق الشهيد اوّقفته و الذكرى /// يبقى وطنا لفوق عالي كمّه
***
تونس عزيزة و غالية يا يمّة/// و شكري رسم طريق واضح دمّه
كانك بغيت العز دمك ضمّه ///و كانك رضيت الذل مالك همّة
***
تونس عزيزة و غالية يا شكري ///و شعبها الجبار عنده ذمّه
تونس عزيزةو غالية من بكري ///و رفاقنا لحرار اهل الهمّه
و محال ننسى دمكم ليسري///فوسط الضلوع مكامنه يا عمّه
***
تونس عزيزة و غالية يا يمّة/// و شكري رسم طريق واضح دمّه
كانك بغيت العز دمك ضمّه ///و كانك رضيت الذل مالك همّة
23 فيفري2013
0 commentaires:
إرسال تعليق