مراكب الموت|شعر|ناصر الرديسي
ريت على شط البحر ثكالى وأيتامه
تلفت نظر العمي واللي تعامى
شيء اللي هد القلب وهد اركانه
بحر اللي فيه الحلم والجبانة
هذا شباب راح يبدل لونه
اللون واحد دمي عايش فيه
وهذا شباب الحظ حسب ظنونه
خارج بلاده يفتشه يلاقيه
يا خضراء ما تحبي دونه
ضميه حلي ذراعك ليه
عدى حياته هايم ومفتحين عيونه
عاشق وحنى بالعلم يديه
يا خضراء المراكب اليوم للبحارة
وإلا ملاجئ للشباب فى بحر
لو لا المذلة ما يسيب أوكاره
فى ليل دامس راكبين خطر
يطلع علينا زعيم من السمسارة
فواجع كبيرة جابها فى خبر
احنا نصحنا وعاملين سفارة
هذا مصير الرحلة بلا جواز سفر
حوت البحر فرحان ساب اوكاره
راح يبحث على الجثث من الشر
دموع الأهالي نازلة قطارة
طوابير شدوا رفعوا تصاور
يا هلى ترى يا شعب تطفي ناره
كل من فقد حبيب قلبو جمر
تجلي عليه الليل طلع نهاره
فى الخضراء يبقى يطول بيه العمر
0 commentaires:
إرسال تعليق